Sí a los 15-20 minutos de su compra no ha recibido el email con sus entradas, contacte a través Whatsapp: 603 578 225 Email: infoticketingacoruna@gmail.com

No se admite devolución de la entrada aunque tiene en la web la posibilidad del cambio de fecha.
Horario apertura desde las 12:00 hasta las 20:00 horas.

Xénero: Teatro - musical
Público: xuvenil-adulto
Duración: 60 minutos
Autor: Chévere
Dirección: Xron · Adaptación: Manuel Cortés
Elenco: Patricia de Lorenzo, Mónica García, Arantza Villar, Chusa Pérez de Vallejo,
Gema Santos
Sinopse: As fillas bravas son tres mulleres que tocan e cantan o que lles peta como antes fixeron a súa nai e a nai da súa nai, porque todas son fillas do vento, mulleres de andar a pé do toxo, orgullosas de vir de tras da silveira, cantoras dunha estirpe
de voces furtivas que berran entre raposos.
Con esta peza Chévere segue a explorar as posibilidades dun teatro con perspectiva de xénero para sensibilizar á sociedade frente á violencia machista e as desigualdades entre homes e mulleres. Dáse continuidade así a traballos anteriores que cuestionaron a rixidez dos xéneros (Testosterona), reivindicaron as voces silenciadas dunha forza de traballo feminina que segue levantando imperios económicos na era da globalización (Citizen), ou promoveron unha lectura crítica dos valores machistas que transmiten as cancións románticas (I’ll be watching you). Nesa liña de traballo, As Fillas Bravas veñen para reafirmar modelos empoderados de muller, vencellados a expresións culturais tradicionais que agochan berros emancipatorios e cantos de rebeldía insospeitados.

As Fillas Bravas é tamén un traballo de investigación sobre a sexualidade, as relacións de xénero e os roles da muller na sociedade tradicional que aparecen reflexados nas coplas do cancioneiro popular galego, para o que se fixo un traballo de procura, escolma e adaptación de textos de transmisión oral publicados desde a segunda metade do século XIX.
A función faise en lingua oral galega e lingua de signos (LSE) simultaneamente, con participación en escena de dúas intérpretes de lingua de signos.

Xénero: Música
Público: todos os públicos
Sinopse:

O recoñecido músico Jairo Zavala, máis coñecido como Depedro, ofrecerá un concerto moi especial no Auditorio Municipal Cine Alovi. Nesta ocasión, o artista presentará o seu traballo máis recente “Un lugar perfecto”, nun formato só acústico, que permitirá ao público gozar das súas cancións desde unha proximidade única e emocional.
No seu sétimo álbum de estudo, Depedro traza unha xeografía folclórica e emocional, explorando a esencia do humano a través da memoria, o amor e a esperanza. En palabras do propio Zavala, “Un lugar perfecto” é ese "lugar emocional ao que
tentamos chegar", un espazo onde o camiño importa tanto como o destino.
Este traballo é unha invitación para transitar a vida como peregrinos, non como simples espectadores. Nun mundo cada vez máis acelerado e desconectado, Depedro propón deternos, observar e reconectar co esencial. As súas letras profundas e as súas melodías sinceras convidan a abrazar a diferenza, a aceptar a desdicha como parte do amor e a descubrir a beleza nos camiños secundarios da existencia.
Neste concerto en acústico, Depedro levará ao escenario un formato depurado que resaltará a emoción de cada palabra e cada acorde, achegando o seu universo musical ao corazón de cada espectador.

Xénero: maxia
Público: a partir de 8 anos
Duración: 75 minutos
Dirección: Fran Rey
Elenco: Mago Teto, Mon Orencio e Fer Risco
Sinopse: Rock ‘n’ Magic, dirixido por Fran Rei, é mais que un espectáculo de maxia; é un concerto de rock and roll. O Mago Teto, un dos mellores e máis populares magos do noso país, une o seu talento ao de Fer Risco na batería e Mon Orencio na guitarra, para construir un espectáculo onde a maxia convive con algúns dos clásicos do rock and roll.
Aparicións sorprendentes, xogos de adiviñacion e pequenas e grandes ilusions máxicas comparten protagonismo coa música rock. Led Zeppelin, Bob Dylan,Los Suaves e infinidade de rock stars están presentes neste espectáculo a través dunha banda
en directo que son o complemento perfecto á maxia do xenial Mago Teto.
Unha gran posta en escena, unha iluminación espectacular, participación do público, humor, maxia son os elementos que fan de Rock and Magic un espectáculo único, posiblemente a experiencia teatral máis parecida a un concerto de rock.

Xénero: Música - jazz
Todos os públicos
Duración: 90 minutos
Gallaecia Small Band
Está integrada por oito artistas. Seis músicos de gran nome dentro do panorama musical galego (1 saxo, 1 trombón, 1 trompeta, batería, contrabaixo e piano) e dous cantantes.
Un son explosivo. Unha big band doutros tempos en pequeno formato, con dous cantantes que se adaptan a calquera repertorio.
Unha posta en escena en grao sumo elegante. Temas míticos de Frank Sinatra, Glenn Miller, Paul Anka, Renato Carosone, Pérez Prado, temas actuais de Michael Bublé e moitos máis vos levarán no mundo das grandes Big Bands.
Calidade musical, Elegancia e Distinción do espectáculo.

Xénero: Teatro
Público: adulto
Duración: 70 minutos
Autor: Roland Schimmelpfenning
Dirección: Ánxeles Cuña Bóveda (adaptación Catuxa López Pato)
Elenco: Fernando González, Fernando Dacosta, Sabela Gago, Fran Lareu, Fina Calleja
Sinopse: Unha noite, nun edificio de varios pisos, nalgún lugar de Europa:un mozo chinés sofre unha forte dor de moas na cociña do restaurante de comida rápida Tailandés - Chinés - Vietnamita,O Dragón de ouro. Non ten permiso de residencia e tampouco atopa a súa irmá desaparecida.
No balcón, sobre o Dragón de Ouro,un ancián quere retroceder no tempo mentres a súa neta, grávida, está diante das ruínas da súa relación porque o seu mozo non quere fillos.
No piso de abaixo, un home, deixado pola súa muller, visita ao seu amigo,un tendeiro enigmático que obriga a unha moza chinesa á prostitución. Dúas azafatas comen no restaurante. Unha delas topa e garda unha moa que caeu na súa sopa tailandesa.
Intercalada entre as escenas, está inserida a Fábula da Cigarra (que non gardaba nada no verán) e pídelle á Formiga que lle dea de comer.
O Dragón de ouro, é unha das obras deste autor máis representadas en todo o mundo. Mesmo hai unha adaptación á ópera.
Esta vai ser a primeira vez que poidamos escoitala e vela en galego.

Xénero: Teatro
Público: adulto
Duración: 100 minutos
Autor e dirección: Santiago Cortegoso
Elenco: Artur Abad, Cristina Collazo, Santiago Cortegoso, César Goldi, Celia González, Davide González, Fran Lareu, Nani Matos
Sinopse: RECONVERSIÓN é un espectáculo de gran formato para público adulto, con oito actores-músicos que forman unha charanga e interpretan a banda sonora en directo.
Entre o íntimo e o político, o proxecto, escrito e dirixido por Santiago Cortegoso, é un exercicio de memoria histórica arredor da reconversión no sector naval na Ría de Vigo. A obra céntrase na peripecia vital do pai do autor, un home que traballou no estaleiro Ascón durante 30 anos. Esta figura sintetiza as vivencias de toda unha xeración, que sufriu o paro polo peche da factoría en 1984 e viviu as mobilizacións históricas que tiveron lugar nos anos 70 e 80.
RECONVERSIÓN é unha viaxe desde a posguerra ata o“Felipismo”dos 80, pasando polo auxe da industria siderúrxica e a evolución desde un estilo de vida rural a unha sociedade capitalista
Premio do Público na Mostra Internacional de Teatro (MIT) de Ribadavia 2025

Xénero: Teatro (comedia)
Público: adulto 16
Duración: 80 minutos
Autor: Rafa Martinez
Dirección: Rafa Martinez, Esther Latorre
Elenco: Miguel Gendre, Lara Pouso, Lidia Veiga, Julia Ammerman, Lucía Iglesias
Música en directo
Sinopse: Tromso é unha reflexión en clave de humor dende a perda. Cando un ser querido nos deixa, o baleiro que queda énchenos dun silencio que, ás veces, nunca conseguimos facer desaparecer. Un silencio que se aferra ao corazón apagando para sempre parte da súa luz. Sobre a vida, a morte e todo o que queda entre medias.

Acceso cualquier día de la temporada 2025.

Disfruta del abono que te ofrecemos para 7 días a lo largo de la Temporada 2025. Aquapark Cerceda
¡La Aventura está ASEGURADA!